ما خلاص لقيتها اللى بحلم بيها
واللى قلبى عشانها وكنت مستنيها
الملاك الى ف عيونها نهر
حب ما لوش قرار
واللى ياما ف بعدى عنها
بحس انى ف بحر نار
واللى مهما وصفت فيها
عمرى وصفى ما يوفيها
دا الكلام منى بيهرب
لما عينى تشوف عنيها
ولما جيت قربت منها
صاحبى قالى ابعد لتغرق
دا الحنان اللى ف عيونها
وهم من قلبك هيسرق
حلم يا ما حلمت بيه
وراح تكون لعبه ف ايديها
اعمل ايه دا انا قلبى عاشق
قولولى بس اصدق مين ؟؟
صاحبى اللى بخاف عليا ؟؟
والا قلبى والحنين ؟؟
ولا انسى والف تانى
ع اللى ياما حلمت بيها
واللى قلبى عشانها وكنت مستنيها ؟؟
بقلم /ابراهيم سليم
ليست هناك تعليقات:
إرسال تعليق