عايز افضفض عايز اتكلم
عايز اقول ان انا تعبان
وابكى بحرقه واقول بتألم
وانا ماشى فى دربك يا زمان
عايز اقول ان انا مجروح
وفى بحر همومى انا غرقان
عايز اصرخ من جوايا
يمكن قلبى يلاقى حنان
عايز اجرى بكل ما فيا
واهرب فيك من غير عنوان
واشكى واقول ان انا مظلوم
وفى كل دروبك متهان
ليه يا دنيا الفرح بقى شويه
والجرح بقى فى كل مكان
ليه الغدر بيكتر حواليا
والظلم بيعزف الحان
عايز اففض جايز ارتاح
وتخف همومى واحزانى
امتى يا دنيا هدوق الفرح
والقى البسمه فى كل مكان
امتى الزرع هيطرح ورد
ويروح الشوك م البستان
امتى الاقى الخير بينادى
ويقلى تعالى يا انسان
اضحك والعب حب وغنى
واتعلم ما تكون حيران
بكره الحلم هيبقى حقيقه
انا عارف ان انا غلطان
عايز اففض عايز اتكلم
عايز اقول ان انا تعبان
بقلم/ ابراهيم سليم
ليست هناك تعليقات:
إرسال تعليق