ما خلاص العشره هانت
والطيب راح وفــــات
والعيش والملح ضاعوا
والحضن الدافى مــات
وصحاب بتبيع وتغدر
وتخون الذكـــريات
ماشين فى دنيا يابا
مافيشـــهاش ريحة الامــان
والخير قرب يموت
والشــــــر فاق وبـان
والعدل راح وسابنا
والظلم قال كـــــــمان
انا جاى احرق وادمر
واكمل الاحـــــــزان
واضحك باعلى صوتى
واقول ياناس خـــلاص
العدل مات نهائى
انسوه دا كان زمـــــان
لحد امتى طيب هنعيش
من غير هــــــــــــدف
ونقول سيبها لنصيبها
وارميها ع الديــــــان
مهو قال فى كتابه برده
غير نفسك عشــــــــان
افضل جامبك واساعدك
وانشر بينكوا الـــــــسلام
ما اعرفش ايه اللى بحصل
ليه ضميرنا مات فينا
والخير فى قلوبنا قل
والشر بان فـــــــــــــــــــينا
عارفين الحل فين ؟
لما نفتح عنــــــــــــــــــــينا
ونـــــقرب مــن خالقــــنا
ونرفــــــــع ليه ايـدينا
ونقول يارب سامح بذنوب
كتـــــــــــــيره جينا
نطلب منك هدايه وانت
شـــــــــــــــاهد علــــينا
ونفوق م اللى احنا فيه
ونغير م اللى فيــــــــــنا
ونقول الحق دايما
نحيى سنة نبيــــــــــــــــــنا
بقلم/ ابراهيم سليم
ليست هناك تعليقات:
إرسال تعليق