الله يسامحك
روح وسيبنى خلاص نسيتك
مش هفكر تانى فيك
مش هقول لقلبى سامح
مش راح ابكى فى يوم عليك
مش راح ادفن جرحى تانى
جوا قلبى واقول سماح
مش هفكر حتى افكر
انى اشوف نظرة عنيك
انسى انى فى يوم عرفتك
انسى انى حلمت بيك
وانى يوم عشقت صورتك
وانسى انى امنت ليك
قلبى لا مش راح يطاوعك
لما تيجى تقله اسف
انت علمته انه يجرح
وسقيته القسوه بايديك
خدت منى كل حاجه
وسيبتنى لوحدى بعانى
بس وعد منى انى ادفن
الحزن فى ثوانى
مش راح اشكى
مش راح ابكى
مش راح اظلم قلبى تانى
واثبت انى حمل جرحك
وبكره يشهد لك زمانى
روح ياعم الله يسامحك
روح وسيبنى اعزف اغانى
فيها فرحى يبقى طاغى
فيها حزنى يبقى فانى
بس فكر انك انت خسرت
عطفى نسيت حنانى
روح يا عم الله يسامحك
روح وسيبنى لوحدى تانى
بقلم/ ابراهيم سليم
ليست هناك تعليقات:
إرسال تعليق