العيون الكدابين
والرموش الغدارين
والدموع اللى ف عيونى
قولى بس دى جت منين ؟؟
والكلام اللى بلاش
قولتلى انك ملاك
قولتلى مش راح هتبعد
لو طريقى معاك هلاك
ليه تسيبنى فى جرحى نازف ؟؟
ليه تخون عشرة سنين ؟؟
كنت فاكرك نور عنيا
كنت فاكرك شوق كبير
كنت بحلم تبقى ليا
وابقى ليك فى هواك اسير
بس حلمى مات وفجأة
صحى جوايا الانين
بس فكر فى اللى حبك
واللى كان هيموت عليك
واللى عمره فى يوم ما خدعك
وانت خونته وبايديك
رحت وكتبت النهايه
تشوف هتخدع تانى مين ؟؟
العيون الكدابين
والرموش الغدارين
والدموع اللى ف عيونى
قولى بس دى جت منين ؟؟
مش هلومك مش هعاتبك
هنسى شوقك هنسى حبك
هنسى انى خدعت نفسى
هنسى انى ف يوم قابلتك
ولما اشوف الشوق ف عينك
عمرى ما ارضى بالحنين
العيون الكدابين
والرموش الغدارين
والدموع اللى ف عيونى
قولى بس دى جت منين ؟؟
بقلم/ ابراهيم سليم
ليست هناك تعليقات:
إرسال تعليق