رباعيات مهموم بقلم /ابراهيم سليم

فكرت اكتب قصايد واكتب كمان حكايات

شعر وخواطر عجب نثر وكمان روايات

رفض القلم يطاوعنى من كتر همى وحزنى

وقالى ليه تنشغل والوقت منك فات

وعحبى !!!!!!!!

انسان وماشى فى دواير مليانه بالاحزان

من دايرة ادخل فى دايره ذل وجراح وهوان

ماهى الدنيا كدا ساعة لينا وعشرة علينا

والفرح فيها قصير والحزن طريقه رهوان

وعجبى !!!!!!!!!

كتر الهموم خلانى اصرخ واقول الااه

والفرح مات واندفن والحزن بان فى سماه

وطريق ملان اشواك مكسيه بالامنا

امتى الجراح هتروح والفرح يوم نلقاه

وعجبى !!!!!!!!!
فرحى مخاصمنى ياناس والحزن خلانى

ابكى وانا سهران للتوهه ودانى

سطر حكايتى فى كتابه هموم مع احزان

الام وجرح ونهاية انسان رومانسانى

وعجبى !!!!!!!!!!!!

بقلم /ابراهيم سليم