ليه تتكلم كمم بقك
وافضل بين الناس مظلوم
وافضل قول الحق هيرجع
الظلم دا عمره ما بيدوم
لساك فاكر ان عدوك
ماشى فى نصرك
لسه بافكارك موهوم
وانه كمان راح ياخد حقك
طب من مين؟من نفسه يا قوم
لما اخواتك بيك تستنجد
وانت ما شايل اى هـــــــموم
لما صغار بيموتو بصمتك
والدم فى بلادك عــــــــــوم
وانت مطنش ولا بتحاول
بايدك تبنى المهــــــــــــدوم
ماشى وشايف دمك نازف
ولا بتفكر تاخد حقك يــــــوم
فاكر ان ان النصر هيجى
من غير اى عتاب او لــــوم
بس لو اعرف امتى يامسلم
راح تصحى وتقوم من النوم
بس ساعتها همد اديا وياك
نمشى طريق مــــــــــــــلغوم
قوم يا مسلم قوم واتكلم
ليه فايتنى واقف مصدوم
اصلح نفسك وابدأ بيها
ومعانا الحى الـــــــــــــــقيوم
يملى طريق الشوك ازهار
بس اتحرك انت وقــــــــــوم
و ساعتها كلنا راح نصرخ
نتكلم من بعد الصوم
قوم يا مسلم قوم واتكلم
ليه فايتنى واقف مصدوم
بقلم/ ابراهيم سليم
ليست هناك تعليقات:
إرسال تعليق