ابراهيم دا اسمى بقلم/ ابراهيم سليم

ابراهيم دا اسمى
الطيبه ساكنه رسمى
الهم مكتوب عليا
امتى ههرب من العذاب
امتى تعود الفرحه ليا ؟
امتى هيسبنى الانين
وارجع واتوه فى السنين
وادوب فى الشوق والحنين
وقلبى يرتاح م الاسيه ؟
امتى الظلم ينسى دارى؟
والجرح يبطل يعزف على اوتارى ؟
لو جابوا بحور الدنيا
والله ما تطفى ولا تبرد نارى
دا الزمن ونفسى عليا !!!
فى طفولتى عشت
اجمل ايامى
وكنت سعيد متهنى
بحلم حلم جميل
ولتحقيقه كنت مستنى
وكبرت ...وفجأه الحلم
بسهوله ضاع منى
واتحولت الحقيقه
سراب ادام عنيا
ليه يا دنيا كل شيء
عايزه منه تحرمينى
وان قلت لا حرام
تثورى وتظلمينى
لحد امتى يا دنيا
هتعاندى وتجرحينى
وكل حاجه بحبها
تاخديها من ايديه ؟
عمرك يا دنيا ما هتهزمينى
لو عشت ايامى مع سنينى
اسير ظلامك
مش هستنى تحنى عليا
عمرى ما هخضع لك يا دنيا الغرور
انا راجع مش هضيع
هتكلم واثور
واليأس معايا عمره
ماهيوصل طريق النور
لو ظلمك عاش
لسنينى الجايه
الامك علمتنى الوقوف من تانى
غدرك بيقوى اركان كيانى
اوجاععك بتعلى وتقوى
مع الايام بنيانى
وجراحك بأديه هخليها نجوم ملاليه

بقلم ابراهيم سليم