فى بحور الغربه بقلم/ ابراهيم سليم

تايه فى بحور الغربه
بلملم شتاتى
رحال بين شط ومرسى
وفى صدرى بكتم اهاتى
وحيد.....
لاصاحب يواسينى
ولازوجه تسعد حياتى
تعبت من كتر الفراق
وغرقت فى شواطي
ذاتى.....
وسنين مرت عليا
مش باقى منها غير
عذابى وذكرياتى
لكنى راجع لوطنى
لابويا ..وامى
واخواتى....
راجع لحضنك يا مصر
وفى ترابك هدفن
اهاتى ...
وارفع بايدى رايتك
وادافع عن حدودك
واحقق امنياتى
وامسك كتابى وقلمى
وعلى شط النيل
اسجل اروع
صفحاتى....
واحيى دينى
وارضى ربى
واحافظ على صلواتى
وبعد ما ادى
رسالتى ...
بلادى تشهد مماتى