انا باعلن انسحابى بقلم /ابراهيم سليم

انا باعلن انسحابى
عن كل مكان يفكر قلبى
بخيانتك وبعذابى
وبسجل لك عتابى
على كل كلمة غدر
قلتيها فى حضورى او غيابى
على كل لحظة الم
جرحتنى فى ذهابى او ايابى
وبقدم اعتذارى على كل
همسة حنان عشتيها بأختيارى
وبارفض وكلى اصرار
اى لحظة خيانه هتادى لانهيارى
مش هبكى ع الى فات
وهمحى اسوأ ذكريات
وهثبت انى قادر على نسيانك
وهحقق انتصارى على كل
شيء فى ايديك
هتحاولى بيه دمارى
ومهما الجرح يطول
مش هتشوفى دموعى
ولا هتنطفى انوارى
ومهما الحزن يدوم
اكيد الفرح راجع
وهتفتح من جديد ازهارى

بقلم /ابراهيم سليم