اثير الاحزان بقلم/ ابراهيم سليم

تعبت من الالم
وهربت من الجراح
عديت على الاشواك
واشتقت للافراح
وصحيت من حلمى
لقيت كل شيء جميل
انتهى وراح
وبقيت شايف النور ظلام
حتى فى وقت الصباح
اسيت من الاحزان
والظلم نسانى طعم الحنان
وشربت من كاس العذاب الوان
وهمومى غلبتنى
خلتنى بقايا انسان
انا لو قلت مش عايزك
يا دنيا ابقى كداب
انا نفسى اعيش
فيكى مرتاح وتبعدى
عنى الالم والعذاب
وترجعيلى كل حبيب
عنى غاب
وتبطل بحور الدموع
من عيونى تنساب
سا عتها هفرد لك دراعى
واقول مسامحك
وهنسى ايام عذابك
وسنين جرحك
واتهنى فيكى يا دنيا
وادوق طعم فرحك

بقلم/ ابراهيم سليم